நூலன்படை

புதிதாக கட்டியிருக்கும்

வீட்டுக்குள்

புகுந்துகொள்ளும் நூலன்படைபோல

சலவை செய்த புத்திக்குள்

சத்தம் போடுது உன் நினைப்பு !

தலையில் சீப்பை

வைத்துகொண்டு தேடுவதைப்போல

தேடிக்கொண்டே இருக்கிறேன்

உன்னை எனக்குள்

உன் அலை அடித்து

அடித்தே

பாசம் பிடித்துப்போனது

இந்த பாராங்கல்லில் !

இரவில் எரிய ஆரம்பித்த கொசுவர்த்தி

தன்னை சுற்றி போடும்

சாம்பல் வளையம் போல

உன்னை சுற்றுது என் நினைப்பு

காலம் உன் அடர்த்தியை

குறைத்தாலும்

வடுக்களை மட்டும் வாரிப்போவதில்லை