Item shared with you: ‘International Women's Day wishes Quotes, Messages, Images free PSD Template.zip’

PUGAL DESIGNS shared an item PUGAL DESIGNS (tamilanvalai@gmail.com) has shared the following item: International Women's Day wishes Quotes, Messages, Images free PSD Template.zip Open Google LLC, 1600 Amphitheatre Parkway, Mountain View, CA 94043, USA You have received this email because tamilanvalai@gmail.com shared a file or folder located in Google Drive with you.

“எது எடுத்தாலும் 20 ரூபா”

அம்மா மூக்குத்திய

அடகு வைச்சு

பத்தாயிரம் பணம் வாங்கி 

பனியன் ஜட்டி வியாபாரம்.....

அம்மாவின் நகையெல்லாம்

அங்குசாமி அடகுகடை(ல்)யில்  

முங்கியிருக்க மீதம் அவள் பெயரில்

இருப்பது “தங்க(ம்)மும்”

மூக்குத்தியும் தான்...

அதிகமாக பஞ்சர் ஒட்டிய

சைக்கிளில் பண்டல்களாக

காட்டிக்கொண்டு

பக்கத்துக்கு டவுனுக்கு பயணமாகிறார் அப்பா...

கூடவே நானும்

தனது பாரத்தை பிளாட்பாரத்தில்

இறக்கி

கடை பரப்புகிறார் அப்பா...

“எது எடுத்தாலும் 20 ரூபா”

கூவு எனை ஏவினார்

அப்பா...

5 பூமார்க் பீடி ஒன்று

அப்பா வாயில்

சாம்பலாய் செத்துக்கொண்டு இருந்தது...

உயிருக்கு போராடிய

நிலையில் கீழே விழுந்தது

பீடி

கனன்று கொண்டிருந்த

பீடியை

கருணைக்கொலை செய்தது

ஒரு சொட்டு மழை...

நான் அன்னாந்து ஆகாசம் பார்த்தேன்..

வங்ககடலை

வழித்து போடுவது போல

ஆரம்பமானது

அடைமழை....

மூட்டை கட்டிய

பனியன்களோடு மூலையில்

நின்றோம் நாங்கள் ...

பூமியில் எல்லா பரப்புகளும் ஈரமாயின

எங்கள் மனதை தவிர....

தீப ஒளியை

அணைத்து போனது திடீர் மழை...

மழை

இயற்கையின் கொடையா??

இல்லை

பிழையா???

வாலி

வாலி 

இரண்டெழுத்து இலக்கியம் 


பாடலே உன் மேல் 
பள்ளிகொண்ட
ரெங்கராஜன் நீ !

நீ ஜிப்பா அணிந்த வெண்பா !

நீ புகையிலை போடும் புறநானூறு !

மெட்டுக்கு பாட்டா

பாட்டுக்கு மெட்டா

துட்டுக்குத்தான் பாட்டு

என பொட்டில் அடித்து சொன்னவன் நீ !


பாடல் நாடாவால் திரையரங்கை

கட்டிபோட்ட

திருவரங்கம் !

தேசிய விருதுக்கு கமிட்டி

கேட்டது பயோடேட்டா

நீ சொன்னாய் விருதுக்கே

டாட்டா !

உன் பேனா கர்ப்பத்தில்

பிறந்தன 15,000 பாடல் குழந்தைகள் !


சக்கரவல்லிகிழங்கு சர்ச்சை

ஏற்கனவே

இயக்குனர் எழுதிய பாடலுக்கு

உன் intial போட்டது தான் பிரச்சனை...


M.G.R தொடங்கி S.T.R வரை

சிவாஜி தொடங்கி ஷ்யாம் வரை

இன்னும் பத்து ஆண்டுகள் இருந்தால்

ரஜினியின் பேரனுக்கும்

அறிமுக பாடலை

அமர்களப்படுத்திஇருப்பாய்

லட்சுமி .....

லட்சுமி .....

ஒண்டிக்கொள்ள குடிசை 
இல்லை 

ஒட்டிக்கொள்ள நாதி
இல்லை

நகரவாசிகளால் நிரம்பிய
வீதியில்
நடைபாதை வாசி

ஏழைகள் கேட்காமல்
இறைவன்
கொடுக்கும் வரம் குழந்தை

அந்த அறைவயிற்றில்
முழு உயிர்
உயிருள்ள சவங்கள் உலவும் உலகில்
பிரசவ(ம்)ப் பிரச்சனை

அழுகுரல் அந்த
அரை முழுதும் அப்பியது
செவிழிக்கு மட்டும்
செவிடானது மனது

"மாமூல்" வேலை
திருப்பி அனுப்பியது
திக்கற்ற திசைக்கு

பேருந்து நிலைய கழிவறை
பிரசவ அறை

கழிவறையில் மலத்தோடு
இருக்கவேண்டிய
மனிதர்கள் மருத்துவமனையில்

பிறர் எல்லாம் சவம்
ஆன நிலையில்
பிரசவம் பார்க்கிறாள் பண்ணாரி

பண்ணாரி "அம்மன்"ல் பாதியா ??
மனிதம் உள்ள மனங்களின் மீதியா ?

"என்னிடம் பணம் இல்லை "
பிஞ்சு கைமூடி
பிறக்கிறது
ஆண் குழந்தை ...................

உன் ஒற்றை பார்வை ..

எதுவும் இல்லாத வெறுமை 

என்னுள் வரும் போதெல்லாம் .......

எல்லாமுமாக நிரப்பிவிட்டுபோகிறது 

உன் ஒற்றை பார்வை .....!!!!

கோணிப்பை

பூமி பிளக்கும்
பூகம்ப வெயில்

ஆக்கிரமிப்புகளை அகற்றியதில்
அரை நிர்வாணமாய்
ரோட்டோரகடைகள்

ஓரம்
ரோட்டோரம்
உழைத்து இளைத்துப்போன ஊசிகள்
உருகிய நிலையில்
மெழுகு தோய்த்த நூற்கண்டுகள்
கோணிப்பை
சகிதமாக கூன்விழுந்த கிழவன்

புகையிலை தின்றது போக
மீதமுள்ள பற்கள்
மிச்சமிருக்கும் சிரிப்புடன்
பேரம் பேசுபவர்களிடம்
பெரியவர்
வந்து போன கல்மனதுக்காரர்களால்
நிரம்பி இருந்தது அவரது கல்லா
அரைவயிராய்

அறுந்துபோனது செருப்புகளின் காதுகள்
மட்டுமல்ல
மனிதாபிமானமும் தான்

நூலன்படை

புதிதாக கட்டியிருக்கும்

வீட்டுக்குள்

புகுந்துகொள்ளும் நூலன்படைபோல

சலவை செய்த புத்திக்குள்

சத்தம் போடுது உன் நினைப்பு !

தலையில் சீப்பை

வைத்துகொண்டு தேடுவதைப்போல

தேடிக்கொண்டே இருக்கிறேன்

உன்னை எனக்குள்

உன் அலை அடித்து

அடித்தே

பாசம் பிடித்துப்போனது

இந்த பாராங்கல்லில் !

இரவில் எரிய ஆரம்பித்த கொசுவர்த்தி

தன்னை சுற்றி போடும்

சாம்பல் வளையம் போல

உன்னை சுற்றுது என் நினைப்பு

காலம் உன் அடர்த்தியை

குறைத்தாலும்

வடுக்களை மட்டும் வாரிப்போவதில்லை