பூமி பிளக்கும்
பூகம்ப வெயில்
ஆக்கிரமிப்புகளை அகற்றியதில்
அரை நிர்வாணமாய்
ரோட்டோரகடைகள்
ஓரம்
ரோட்டோரம்
உழைத்து இளைத்துப்போன ஊசிகள்
உருகிய நிலையில்
மெழுகு தோய்த்த நூற்கண்டுகள்
கோணிப்பை
சகிதமாக கூன்விழுந்த கிழவன்
புகையிலை தின்றது போக
மீதமுள்ள பற்கள்
மிச்சமிருக்கும் சிரிப்புடன்
பேரம் பேசுபவர்களிடம்
பெரியவர்
வந்து போன கல்மனதுக்காரர்களால்
நிரம்பி இருந்தது அவரது கல்லா
அரைவயிராய்
அறுந்துபோனது செருப்புகளின் காதுகள்
மட்டுமல்ல
மனிதாபிமானமும் தான்
கவிதை எனக்குப் பிடித்தது தோழர்.. அவ்வப்போது கவிதை எழுதுவதைத் தவிர்த்து தொடர்ந்து எழுதுங்கள்.. வாழ்த்துகள்..
ReplyDelete"புகையிலை தின்றது போக
மீதமுள்ள பற்கள்"
"அறுந்துபோனது செருப்புகளின் காதுகள்
மட்டுமல்ல
மனிதாபிமானமும் தான்"
நல்ல வரிகள்..
அருமை நண்பா..
ReplyDelete